~*~ بنت الهمايل~*~
اسمي تشوفه دووم ف مكاني
بنت الهمايل هذا عنواني
ثلاثة وعشرين نوفمبر اهو زماني
وشعاري سيفين وخنجر عماني
وعشقي للغموض هو طبعي الثاني
من حقي افتخر وابويه من رباني
ع الطاعة والدين والخير وصاني
وخلى عزتي وشآني شرا المباني
بنت الهمايل شرا شط الموانئ
وانتبه !! انتبه!!لا بغيت تحداني
بالرنج ولا الفتك تعال لانويت تحداني
تراني الأول ف هالشغلات تلاقاني
اعشق التحدي والهمة بلا قيود وسياني
وبشعري وقصيدي أنا محاربه عدواني
وعاد لا يبت طاري السيوح والعزب انساني
تراني راعية سيوح ولي هجني وميداني
وما انهز من كلمة انسان قاسي وداني
ما عرف قدري وعزي وشآني
وابوقف ف طريج كل من هو تعداني
وبصد عنه حتى لو تعنى وجاني
وعاد قصتي ويا الحب غريبة أحياني
الحب ف قلبي صار شيء "ن" فاني
وأنا لي قاموس "ن" ف الحب ثاني
أحب كل من هو عداني
وأكره كل من هو هواني
تقولي ليش هالتفكير الأناني
بقولك جرب تعيش ف الدنيا ثواني
تلاقي من تحبه يعشقله ثاني
ويقولك أحبك ومن وراك خواني
ولا قالك أكرهك ابشر تراه غرقاني
غرقان ف حبك وقلبه يعاني
تقولي لا مو صحيح هذا الكلامي
بقولك كلامي صحيح"ن" وله معاني
وإن وصلت قد تفكيري وكياني
ابشر بمرتبة فخر"ن " بشرف فزماني
